ربي استرني
يالله
يا عالم بما تخفي الصدور
..................................... خالق الانسان من ماءٍ وطين
ضاق صدري من شنيعات الامور
..................................... والغلط عنه الاوادم صامتين
شفت جيلن فيه اشكال الفجور
.................................... لا حيا لاعيب يا ربي تعين
الولد ما هو على اهله غيور
..................................... حتى لو هو شافهم متبرجين
وبعضهم مثل البنات اصبح يدور
................................... لا بعد صاروا كحال الفاجرين
تاركين الشعر لى حد الخصور
..................................... والوجه من كل لونن صابغين
واللبس اشكال وورود وزهور
...................................... لو تشوفه به مياعه فيه لين
ماتعرفه لو مشى بين الحضور
....................................... خلّى اعقول النباها حايرين
والبنات أشكال يالرب الشكور
.................................... وانت ماغيرك ترى له شاكرين
شيلتن عالكتف والريحه عطور
..................................... فاجره تمشي مبين العالمين
لبسها ما فيه حشمه اوستور
.................................... والعبا ما تخفي اللي ساترين
وبعضهم اتشبهو لك بالذكور
..................................... لبسهم مع شكلهم بالحالتين
صاروا ناسٍ مابهم رقة شعور
..................................... والمشاكل صارت الغلطه يقين
مادروا ان الحياه منفذ عبور.
....................................... لاخرتهم لي عليها دايمين
هذا بعض الجيل في دربه حدور
......................................يا عسي الباقي تراهم مؤمنين
ربي استرني على مر العصور
............................................ لا تخلينا من اللي خايبين
انته العالم بما تخفي الصدور
........................................ وانته الرحمن بالرجعه لطين
ليست هناك تعليقات:
إرسال تعليق