قصائد مختارة للشاعر الضباعي الذمة برية

قصائد مختارة للشاعر الضباعي
الذمة برية  

قصائد مختارة للشاعر الضباعي

الذمة برية  

الله يصيبش يا بقرتي  ياذي سلوكش مش سويه  طبعش واسلوبش مغاير  عن كل لبقار البقيه  كلتي محاصيل المزارع  وكم مدافن ممتليه  وراس مالي والفوائد  وأصبحت يدي خليه  والدار ما خليش حجره  والحوش كله والحويه  بتعبثي في كل موقع  ولاعاد حاجه شي بقيه  وفي قرونش تنطحيني  لارد ش الله يا اذيه  قرات لش من كل سوره  حسب الحروف الاابجديه  وانتي ولاهي لش بد قه  من رطل ما خذ شي وقيه  كم جبت لش تبوع وثيران  لجل الخلف يامفتريه  وتعبشهم كمن مرجب  وذي قرونه ملتويه  حتى بذا ما عندش احساس  ولامشاعر انثويه  ماشي معي منش منافع  ربي بلاني بش بليه  بتلهمي ما جا امامش  وفارغه بطنش خليه  خلصش ذي هو با المخازن  وقلش ما عند ش شهيه  وللحراثه ما تفيدي  ولابمجلاب الرعية  وللمعاصر ما نفعشي  اتعبش نور العنترية  صلحش لش شخره ونخره  وقلش ليلى العامريه  وانتي أقبح من قبيحة  صوره مخيفه يا شقيه  أخلصت لش قلبي وحبي  قلنا سعاد ا لمسعديه  نحسب منيحتنا الثمينة  محبوبتي انتي الهليه  وتاج راسي والمشاقر  صلحت فوق الرأس ليه  لاكن خسارة خاب ظني  تشتي تسيني لش مطيه  خس البقر بي خمج الحوض  وعكَّر النفس الزكيه  ماشي عليا لوم لا صبحش  في يوم يا ليلى ضحيه  ولافريسه للثعالب  مُصأن ما ذيب السرية  وللقطط والكلب ينهش  لحمش وللنسري شويه  لما متى عا الحال هذا  هل شي معش رغبه ونيه  تغيرين الطبع هذا  ولا تري الذمه بريه  حذرت وانذرتش كفاية  ولاعاد عندي لش دعيه  إلى هنا ختَّمت قولي  بالهاشمي سيد البرية